समाजवादी पार्टीले फिर्ता लियो सरकारलाई दिएको समर्थन

काठमाडौं- समाजवादी पार्टी नेपालले सरकारलाई दिएको समर्थन फिर्ता लिएको छ।

बुधबार अपराह्न पार्टीको संसदीय दलको कार्यालयमा पत्रकार सम्मेलन गरेर समाजवादीले सरकारलाई दिएको समर्थन फिर्ता लिने औपचारिक घोषणा गरेको हो।

सरकारलाई समर्थन फिर्ताको बारेमा जानकारी दिन सिंहदरबारमा आयोजित पत्रकार सम्मेलनमा समाजवादी पार्टीका अध्यक्ष यादवले अब प्रतिपक्षमा रहेर संविधान संशोधन गर्ने र सबैको संविधान बनाउने कार्यमा लाग्ने बताए।

समाजवादीले समर्थन फिर्ता लिएसँगै सरकारले दुई तिहाइ बहुमतको हैसियत गुमाएको छ। ८ पुसमा उपप्रधान तथा कानुनमन्त्री उपेन्द्र यादव र सहरी विकास मन्त्री मोहम्मद इस्तियाक राईले पदबाट राजीनामा बुझाएका थिए।

सरकारबाट बाहिरिनुअघि ७ पुस साँझ मन्त्रिपरिषद् बैठकमा कानुनमन्त्री समेत रहेका यादवले संविधान संशोधनको प्रस्ताव पेश गर्न खोज्दा प्रधानमन्त्री केपी ओलीले अस्वीकार गरेका थिए।

यसअघि आजै समाजवादी पार्टीको केन्द्रीय कार्यकारिणी समितिको बैठक समेत बसेको थियो। साेही बैठकले सरकालाइ दिएकाे समर्थन फिर्ता गर्ने निर्णय गरेकाे हाे।