पूर्वमाओवादी कार्यकर्ताको घरमा अत्याधुनिक हतियारसहित हजारौं गोली

खेम प्रधानको घरमा रहेको पुरानो कुखुराको खोरमुनि हतियार र गोली भेटिएको हो।

नेपाल समय | आइतबार, पुस ६, २०७६

नेपाल समय

आइतबार, पुस ६, २०७६

इटहरी– सुनसरीको बराहक्षेत्र नगरपालिका–५ भरौलमा रहेको एक पूर्वमाओवादी कार्यकर्ताको घरबाट अत्याधुनिक हतियारसहित ठूलो परिमाणमा गोली भेटिएको छ। खेम प्रधानको घरमा रहेको पुरानो कुखुराको खोरमुनि हतियार र गोली भेटिएको हो।

सुुनसरी प्रहरी प्रमुख यज्ञविनोद पोखरेलसहित पुगेको नेपाली सेनाको बम डिस्पोजल टोलीले १ थान एसएमजी हतियार र करिब १० हजार गोली भेटाएको जिल्ला प्रहरी कार्यालय सुनसरीले जानकारी दिएको छ।

स्थानीयले दिएको सूचनाको आधारमा हतियार र गोली भेटिएको प्रहरीले जानकारी दिएको छ। धेरै अगाडि पुरिएको जस्तो देखिने हतियार र गोलीमा खिया लागेको पाइएको छ।

प्रकाशित: Dec 22, 2019| 11:12 आइतबार, पुस ६, २०७६