धुवाँले निसास्सिएर कीर्तिपुरमा आमाछोराको मृत्यु

कीर्तिपुरको सुन्दरबस्तीमा धुँवाले निसास्सिएर आमा–छोराको मृत्यु भएको छ ।

नेपाल समय | सोमबार, मंसिर ३०, २०७६

नेपाल समय

सोमबार, मंसिर ३०, २०७६

धुवाँले निसास्सिएर कीर्तिपुरमा आमाछोराको मृत्यु

काठमाडौं- कीर्तिपुरको सुन्दरबस्तीमा धुवाँले निसास्सिएर आमा–छोराको मृत्यु भएको छ ।

कोठा न्यानो बनाउन भन्दै मकल बालेर सुतेकी ३६ वर्षीया शर्मिला रञ्जितकार र उनको दुई महिने छोराको सुतेकै अवस्थामा मृत्यु भएको हो ।

अक्सिजन अभावका कारण निसास्सिएर मृत्यु भएको प्रहरीको प्रारम्भिक अनुसन्धानले देखाएको छ। माकलबाट आएको धुवाँ बाहिर जान नपाउँदा त्यही धुवाँमा निसास्सिएर आमाछोराको मृत्यु भएको हुनसक्ने महानगरीय प्रहरी वृत्त कीर्तिपुरका डीएसपी छेदीलाल कामतीले जानकारी दिए ।

शर्मिला सुतेको कोठा साँघुरो र भेन्टिलेसन पनि नभएकाले अक्सिजनको अभावका कारण घटना भएको हुनसक्ने प्रहरीको ठम्याइ छ ।

बच्चालाई तेल लगाउन भन्दै सोमबार बिहान श्रीमान् नवराजले श्रीमतीलाई बोलाउँदा नबोलेपछि प्रहरीलाई खबर गरेका थिए।

प्रकाशित: Dec 16, 2019| 05:41 सोमबार, मंसिर ३०, २०७६