हिउँ खेल्न कालिञ्चोक जाने कि!

दोलखाको धार्मिक तथा पर्यटकीय क्षेत्र कालिञ्चोक क्षेत्रमा हिमपात भएको छ। शुक्रबार बिहानदेखि कालिञ्चोक, कुरी बजार, खरिढुङ्गा, शैलुङडाँडा लगायत उच्च भू-भागमा हिमपात हुँदा जनजीवनसमेत प्रभावित बनेको छ।

नेपाल समय | शुक्रबार, मंसिर २७, २०७६

नेपाल समय

शुक्रबार, मंसिर २७, २०७६

चरिकोट - दोलखाको धार्मिक तथा पर्यटकीय क्षेत्र कालिञ्चोक क्षेत्रमा हिमपात भएको छ। शुक्रबार बिहानदेखि कालिञ्चोक, कुरी बजार, खरिढुङ्गा, शैलुङडाँडा लगायत उच्च भू-भागमा हिमपात हुँदा जनजीवनसमेत प्रभावित बनेको छ।

हल्का वर्षासहित हिमपात हुँदा यहाँका डाँडाहरु सेताम्य देखिन थालेका छन्। यसयामको जाडो मौसम सुरु भएसँगै पहिलोपटक हिउँ परेको हो। हिमपात भएसंगै पर्यटन व्यवसायी उत्साहित बनेका छन्।

कालिञ्चोक क्षेत्रमा सहज तरिकाले पुगी हिउँ खेल्न सकिने भएकोले आकर्षणको केन्द्र बनेको हो। तीन हजार ८४२ मिटरको उचाइमा रहेको कालिञ्चोकमा हिउँ खेल्ने राजधानी तथा अन्य क्षेत्रबाट पर्यटन आउने गरेको होटल व्यवसायी हरि वली बताउँछन्। उनले भने, “यहाँ हिउँ खेल्न र हेर्न पर्यटन आउने गर्दछन्, हिमपात हुनु राम्रो हो। ” हल्का वर्षाले किसान पनि औधि खुसी भएका छन्।

प्रकाशित: Dec 13, 2019| 12:54 शुक्रबार, मंसिर २७, २०७६