विवादका कारण कांग्रेस केन्द्रीय समिति बैठक बस्न सकेन, नेविसंघद्वारा नाराबाजी

काठमाडौं– प्रमुख प्रतिपक्षी दल नेपाली कांग्रेसको केन्द्रीय समिति बैठक बस्नुअघि नै विवाद भएको छ। पार्टीमा विभागको संख्या बढाउने एजेण्डा सभापति शेरबहादुर देउवाले ल्याएपछि केन्द्रीय समिति बैठक बस्नुअघि नै विवाद सुरु भएको हो। केन्द्रीय समिति बैठक नबसी गुटगत छलफलमात्र भइरहेको बताइएको छ।

यसअघि पनि सभापति देउवाले विभागको संख्या बढाउने प्रस्ताव ल्याएपछि केन्द्रीय समिति बैठकमा विवाद भएको थियो। आजको बैठकमा उपनिर्वाचनको समीक्षा, सीमा अतिक्रमण तथा संगठन सुदृढीकरणका विषयमा छलफल हुने भनिएको थियो। तर सभापति देउवाले विभाग बढाउने प्रस्ताव ल्याएपछि आफूहरु आन्तरिक छलफलमा लागेको वरिष्ठ नेता कृष्ण सिटौला निकट एक केन्द्रीय सदस्यले जनाए।

यसैबीच, नेपाल विद्यार्थी संघको विवादका विषयमा पार्टी कार्यालय अगाडि प्रदर्शन भएको छ। नेविसंघको एक समूहले विद्यार्थी नेताको उमेर ३२ वर्षमुनी हुनुपर्ने माग गर्दै प्रदर्शन गरेको हो।