बजेटले ३३ प्रतिशत बढाएको सामाजिक सुरक्षा भत्ता कार्यान्वयनमा ल्याउने सरकारको निर्णय

'आर्थिक वर्ष २०७८/७९ को बजेटमार्फत् ३३ प्रतिशतले वृद्धि भएको सामाजिक सुरक्षा भत्ता कायम गर्ने निर्णय भएको छ,' बैठकपछि सरकारका प्रवक्तासमेत रहेका कानुन, न्याय तथा संसदीय व्यवस्था मन्त्री ज्ञानेन्द्र कार्कीले जानकारी दिए।

नेपाल समय | बुधबार, भदौ १६, २०७८

नेपाल समय

बुधबार, भदौ १६, २०७८

काठमाडौं- सरकारले समाजिक सुरक्षा भत्ता ३३ प्रतिशत वृद्धि गर्ने निर्णय गरेको छ। बुधबार साँझ बसेको मन्त्रिपरिषद् बैठकले यस्तो निर्णय गरेको हो।

बैठकले माओवादी सेनाका घाइते, अगंभंगभएका लडाकु, र सशस्त्र द्वन्द्वका क्रममा घाइते तथा अपांग भएकाहरूका साथै दोस्रो जनआन्दोलन र मधेश आन्दोलनका घाइते लागि पुनर्स्थापना एवं हेरचाहका लागि बनाइएको निर्देशिका संशोधन गर्ने निर्णयसमेत गरेको छ।

यस्तै स्विस सरकारबाट प्राप्त हुने दिगो तथा सम्मानित रोजगारीका लागि १ अर्ब ९३ करोड अनुदान सहायता स्वीकार गर्ने निर्णय समेत गरिएको उनले बताए।

प्रकाशित: Sep 01, 2021| 19:39 बुधबार, भदौ १६, २०७८