पर्यटकीय स्थल बन्दै मोदीको चिया बेच्ने ठाउँ

भारत - भारतीय प्रधानमन्त्री नरेन्द्र मोदीले बाल्यकालमा चिया बेचेको स्थानलाई पर्यटकीय स्थल बनाइँदैछ।

भारतको पर्यटन मन्त्रालयका अनुसार मोदीले चिया बेचेको बडानगर रेल्वे स्टेशन नजिकैको चिया पसललाई पर्यटकीय स्थल बनाउन लागिएको हो। जसका लागि भारतीय पर्यटन मन्त्री प्रहलाद पटेलले उक्त स्थानको अनुगमनसमेत गरेका छन्। मन्त्री पटेलले उक्त चिया पसलको मौलिकतालाई जोगाइ राख्न र पसलको माथिबाट सिसा हाल्ने बताए।