नेपाललाई हराउँदै बंगलादेशले जित्यो साफ यू–२० को उपाधि

काठमाडौं– बंगलादेशको ढाकामा भर्खरै सम्पन्न चौथो संस्करणको यू–२०  महिला साफ च्यान्पियनसिपको उपाधि बंगलादेशले जितेको छ। फाइनल खेलमा नेपाललाई ३–० ले हराउँदै बंगलादेशले उपाधि जितेको हो।

घरेलु समर्थकको साथ पाएको बंगलादेशले वीर श्रेष्ठ सहिद सिपाही मोस्तफमा कमल रंगशालामा भएको खेलको पहिलो हाफमै दुई गोलको अग्रता बनाएको थियो। दोस्रो हाफमा मैदान पसेकी १८ नम्बरकी खेलाडीले गोल गर्दै बंगलादेको अग्रता ३–० मा पुर्‍याइन्।

निकै प्रतिस्पर्धात्क खेलको पहिलो हाफमा दुवै टिमबाट राम्रो मुभहरु बनेका थिए। पहिलो हाफमा नेपाली फरवार्ड अमिषा कार्कीले केहि प्रहार गरे पनि गोल हुन सकेन। बरु खेलकाले ४२औं मिनेटमा बंगलादेशकी रोपाले गोल गर्दै अग्रता दिलाएकी थिइन्।

साम्सुन्नहर जुनियरले खलको इन्ज्युरी समयमा अर्को गोल थपिन्। यो उनको प्रतियोगिताको पाँचौ गोलसमेत हो। नेपाली डिफेन्डरले बललाई नियन्त्रण गर्न नसक्दा नेपालले गोलको सामना गर्न पुगेको थियो।

दोस्रो हाफमा मैदान पसेकी उन्नती खातुनले पोस्ट नजिकैबाट गोल गरेकी थिइन्। नेपालले केहि अवसर पाए पनि गने गर्न सकेन्। सन् २०१५ बाट सुरु भएको प्रतियोगिता हरेक दुई वर्षमा आयोजना हुने गर्दछ। यसअघि यसको तीन संस्करण सम्पन्न भएका छन्। यसको अघिल्लो संस्करणमा पनि बंगलादेशले उपाधि जितेको थियो।