युनाइटेडको जित, बराबरीमा रोकियो चेल्सी

खेलमा निधै राम्रो प्रदर्शन गरे पनि चेल्सीले फुलह्यामविरुद्ध गोल गर्न भने सकेन्। खेलाडी ट्रान्सफरमा धेरै खर्च गरेको चेल्सीको प्रदर्शनमा सुधारको अपेक्षा गरिएको छ।

नेपाल समय | आइतबार, माघ २२, २०७९

नेपाल समय

आइतबार, माघ २२, २०७९

काठमाडौं- इंग्लिस प्रिमियर लिगअन्तर्गतग शनिबार रातिको खेलमा चेल्सी गोलरहित बराबरीमा रोकिएको छ। चेल्सीको घरेलु मैदान स्ट्यामफर्ड ब्रिजमा सम्पन्न खेलमा चेल्सी पाहुना टिम फुलहामसँग गोलरहित बराबरीमा रोकिएको हो।

गएरातिकै अर्को खेलमा भने म्यानचेस्टर युनाइटेडले क्रिस्टल प्यालेसलाई २–१ ले हराएको छ। ओल्ड ट्राफोर्डमा सम्पन्न भएको खेलमा १० खेलाडीमा समेटिएको युनाइटेडले जित निकालेको हो।

युनाइटेडका लागि सातौं मिनेटमा ब्रुनो फर्नान्डेस र ६२ औं मिनेटमा मार्कस राशफर्डले गोल गरेका थिए। क्रिस्टलका जेफ्री स्कलअपले ७६ औं मिनेटमा गोल फर्काए पनि क्लबले कमब्याक गर्न सकेन्।

यता खेलको ७० औं मिनेटमा युनाइटेडका कासिमेरोले रातो कार्ड बेहोर्दै बारिएपछि क्रिस्टलले गोल फर्काएको थियो। मिडफिल्डरले खेलमा ट्याकलबीच क्रिस्टलका खेलाडी ह्युगोको घाँटिमा हात पुर्याएका कारण उनले रातो कार्ड बोहेरेका हुन्।