रेलिगेसन क्षेत्रमा रहेका टिमसँग आर्सनल र लिभरपुल पराजित

काठमाडौं- इंग्लिस प्रिमियर लिग इपिएलमा शनिबार राति लिगलिडर आर्सनलले इभर्टनसँग हार बेहोरेको छ। अघिल्ला खेलहरुमा म्यानचेस्टर युनाइटेड, साउथह्याम्टन र वेस्ट ह्याम्सँग हार बेहोरेको एभर्टनले शनिबार राति घरेलु मैदानमा आर्सनललाई  १–० ले हराएको हो।

पहिलो हाफमा गोलरहित बराबरी भएको खेलको ६० औं मिनेटमा जेम्स तार्कोस्कीले निर्णायक गोल गरेका थिए। खेलमा ७१ प्रतिसत समय बलमा नियन्त्रण बनाए पनि आर्सनलले गोल फर्काउन सकेन।

यता लिभरपुलले भने उल्भ्सको घरेलु मैदानमा ३–० को निकै ठूलो हार बेहोरेको छ। रेलिगेसन जोनमा संघर्ष गरिरहेको उल्भ्सले लिभरपुललाई हराउने क्रममा पहिलो गोल कोसेली पाएको थियो।

लिभरपुलका जोयल मटिपले पाँचौं मिनेटमै आत्मघाति गोल गरे। १२ औं मिनटमा उल्भ्सका क्रेग डसनले गोल गरे भने ७१ औं मिनेटमा रुबिन नभासले गोल गरेका थिए। यता खेल अवधिभरी ५९ प्रतिसत समय बलमा नियन्त्रण बनाएको लिभरपुलले भने गोल गर्न सकेन्। उसले उल्भ्सको पोस्टतर्फ २२ प्रहा गरेको थियो। तर त्यसमध्ये चार प्रहार मात्र पोस्टको सहि दिशामा थिए।

यो जितसँगै रेलिगेसन जोन छोडेको उल्भ्स २० अंक बनाएर १५ औं स्थानमा पुगेको छ। इता लिभरपुले भने १० औं स्थानमा यथावत् छ। लिग लिडर आर्सनललाई हराएको एभर्टन भने रेलिगेसन क्षेत्रमै रहेको छ।