क्यान अध्यक्षलाई विश्वप्रकाशको प्रश्न- खेलको नियम पालना गर्ने संस्थाले न्यायको नियम पालना गर्नुपर्दैन?

काठमाडौं- नेपाली कांग्रेसका महामन्त्री विश्वप्रकाश शर्माले बलात्कार अभियुक्त सन्दीप लामिछानेलाई नेपाल क्रिकेट संघ (क्यान) ले बन्द प्रशिक्षणमा बोलाएकोमा असन्तुष्टि जनाएका छन्। ट्विटरमा उनले भनेका छन्-`क्यान अध्यक्षलाई फोनमा सोधें- खेलको नियम पालना गर्ने संस्थाले न्यायको नियम पालना गर्नुपर्दैन?'

खेलकुद मन्त्रीलाई महामन्त्री शर्माले यसबारे ध्यानाकर्षण पनि गराएका छन्- कि सहि भएको छ, बधाई दिनोस्, कि `यो प्रकरणमा पनि अदालत कुरौं, हतारको गल्ती सच्याउ भन्नोस्! मौनता जिम्मेवार जवाफ हुन्न !!

खेलकुद मन्त्रालयको जिम्मेवारी अहिले प्रधानमन्त्री प्रचण्डले नै सम्हालिरहेका छन्। 

लामिछानेलाई राष्ट्रिय क्रिकेट टिमको बन्द प्रशिक्षणमा समावेश गरेको भन्दै सामाजिक सञ्जालमा 'बाइकट क्यान' अभियान पनि चलेको छ। केही दिन अघिबाट सुरु भएका घटनालाई लिएर क्रिकेट संघ विरुद्ध बाइकट क्यानको नारा लाग्न सुरु भएको हो। 

`क्यान´ अध्यक्षलाई फोनमा शोधें- खेलको नियम पालनागर्ने संस्थाले न्यायको नियम पालना गर्नुपर्दैन ?

खेलकुद मन्त्री @PM_nepal_ नै हुनुन्छ l ध्यानाकर्षण गराउँदछु- कि सहि भएको छ, बधाई दिनोस्, कि `यो प्रकरणमा पनि´ अदालत कुरौं, हतारको गल्ती सच्याउ भन्नोस् !

मौनता जिम्मेवार जवाफ हुन्न !!

— Bishwa Prakash शर्मा (@bishwaprakash77) February 3, 2023