विवादास्पद कम्पनी सेभेन थ्रि स्पोर्टसद्वारा क्यानसँगको सम्झौता रद्द

काठमाडौं- नेपाल टी २० लिगको लागि व्यावसायिक र रणनीतिक साझेदार कम्पनी सेभेन थ्रि स्पोर्टसले क्यानसँगको सम्झौता रद्द गरेको छ। उसले क्यानलाई पत्र पठाउँदै सम्झौता रद्द गरेको जानकारी दिएको हो।

गत पुस ९ गतेबाट काठमाडौंमा सुरु भएको नेपाल टी २० लिगको बिचमा नै सेभेन थ्रिका मालिक भारत भागेका थिए। उनी भागेसँगै लिगमा स्पट फिक्सिङको शंका गरेर विभिन्न निकायहरुले अनुसन्धान सुरु गरेका थिए।

त्यस्तै सेभेन थ्रि स्पोर्टसका मालिक जटिम आहलुवालियाले क्यानसँगै राष्ट्रिय खेलकुद परिषद् राखेपलाई पनि पत्र पठाएका छन्। यसअघि क्यान र सेभेन थ्रिसँग आठ वर्षका लागि ३३ करोडमा नेपाल टी २० लिगको सम्झौता भएको थियो।

यता क्यानको बैठक अहिले पोखरामा पनि बसिरहेको छ। सो बैठकले पनि सेभेन थ्रिसँगको सम्झौताबारे निर्णय गर्ने भएको छ।