टी२० लिगको स्पट फिक्सिङमा व्यवस्थापक नै संलग्नः सीआईबी
काठमाडौं- काठमाडौंमा हालै सम्पन्न नेपाल टी२० लिग क्रिकेटमा स्पट फिक्सिङका लागि खेलाडीलाई ६ देखि १० लाख रुपैयाँसम्मको अफर गरिएको नेपाल प्रहरीको केन्द्रीय अनुसन्धान ब्यूरो (सीआईबी) ले जनाएको छ।
फिक्सिङमा चार जना टिम व्यवस्थापकसमेत संलग्न भएको सीआईबीले मंगलबार पत्रकार सम्मेलनमा जानकारी दिएको छ।
सीआईबीका कार्यवाहक प्रवक्ता एसपी सञ्जयसिंह थापाले फिक्सिङमा १० जना संलग्न देखिएको जानकारी दिए। तर, नाम भने उनले बताएनन्। यस प्रकरणमा दुईजना खेलाडी भने पक्राउ परिसकेका छन्। पूर्व क्रिकेटर मेहबुब आलम र नेपाल टी–२० मा जनकपुर रोयल्सबाट खेलेका अलराउण्डर मोहम्मद आदिल आलम पक्राउ परेका छन्। ‘अनुसन्धान प्रभावित हुन सक्ने र पक्राउ गर्न कठिनाइ पर्न सक्ने भएकाले अरुको नाम गोप्य राखिएको हो,’ उनले भने।
फिक्सिङका लागि खेलाडीहरूलाई सामाजिक सञ्जालबाट तथा प्रत्यक्ष भेटेर अप्रोच गरिएको उनले बताए। ‘एउटा स्पट फिक्सिङमा, कुनै गेमको कुनै एउटा ओभरमा नो बल फ्याकेको वा निश्चित रन लिएको अवस्थामा ६ देखि १० लाख दिनेगरी अप्रोच आएको देखिन्छ,’ उनले भने।
स्पट फिक्सिङमा नेपाल क्रिकेट संघको भने कुनै भूमिका नदेखिएको सीईबीले बताएको छ।
एसी मिलानसँग नेपोली पराजित
चेन्नईमाथि राजस्थानको संघर्षपूर्ण जित
जिरोनाको गोलरक्षकका सामु निरिह बन्दा बार्सिलोना गोलरहित बराबरीमा
बैंगलोरमाथि लखनउलाई एक रनको रोमाञ्चक जित
सम्पर्क
फोन : +977-1-4790040/+977-1-4790242
इमेल : nepalsamayanews@gmail.com