नेपाली राष्ट्रिय क्रिकेट टिमको हेड कोचको लागि पाँच जना अन्तिम लिस्टमा

काठमाडौं- नेपाली राष्ट्रिय क्रिकेट टिम अहिले प्रशिक्षक बिहीन छ। केही दिन अगाडिमात्र हेड कोचको आवेदन खुलाएको नेपाल क्रिकेट संघ (क्यान) ले टिमको मुख्य प्रशिक्षकका लागि पाँच प्रशिक्षकको अन्तरवार्ता लिएको जानकारी दिएको छ। 

अहिले नेपाली कृकेट वृत्तमा मोन्टी देशाई सँगै डेव वाटमोरको पनि नाम चार्चामा छ। दुवै कोच नेपाली टिमका लागि परिचित नै छन्। यद्यपि क्यानले ककसलाई अन्तर्वार्तामा समावेस गरेको भन्ने चाहिँ खुलाएको छैन।

क्यानको मुख्य प्रशिक्षक छनोट समितिले बुधबार अन्तिम चरणमा छनोट भएका ५ जनाको अन्तरवार्ता लिइएको जनाएको छ। मुख्य प्रशिक्षकका लागि २४ जनाले आवेदन दिएका थिए। 

यसअघि एक वर्षको सम्झौता गरिएको मुख्य प्रशिक्षक मनोज प्रभाकरले राजीनामा दिएपछि नेपाली टोली मुख्य प्रशिक्षक बिहीन छ।