रियललाई हराउँदै जाभीले जिते बार्सिलोनाबाट पहिलो उपाधि

प्रशिक्षक जाभीले बार्सिलोनाबाट पहिलो उपाधि जितेका छन्।

नेपाल समय | सोमबार, माघ २, २०७९

नेपाल समय

सोमबार, माघ २, २०७९

रियललाई हराउँदै जाभीले जिते बार्सिलोनाबाट पहिलो उपाधि

काठमाडौं– प्रशिक्षक जाभीले बार्सिलोनाबाट पहिलो उपाधि जितेका छन्। जाभीको टिम बार्सिलोनाले आइतबार राति सम्पन्न स्पेनिस सुपर कपको फाइनलमा रियललाई ३–१ ले हराउँदै उपाधि जितेको हो।

साउदी अरेबियामा भएको फाइनल खेलमा लालिगको लिगलिडरले डोमिनेट गरेको थियो। दबाब बनाएसँगै रोबर्ट लेवान्डोस्कीले मिलाइदिएको पासमा १८ वर्षे गाभीले गोल गर्दै बार्सिलोनालाई अग्रता दिलाएका थिए।

खेलको पहिलो हाफको केही समय मात्र बाँकी रहँदा गाभीकै पासबाट लेवान्डोस्कीले बललाई रियलको जालीसम्म पुर्याएका थिए। उनले गाभी चम्किएको खेलमा उनले दोस्रो हाफमा अर्को पनि एसिस्ट गरे। ६९औं मिनेटमा उनले गरेको एसिस्टबाट पेड्रिले गोल गरेका थिए। जाभीले गरेको गोलसँगै बार्सिलोना उपाधि नजिक पुगेको थियो।

यता खेलको इन्ज्युरी समयमा रियलका करिम बेञ्जिमाले एक गोल फर्काएकर नतिजालाई ३–१ मा कामय राखे। खेलमा थियाउट कोट्वाले खेलमा बार्सिलोनालाई जित्न नदिन निकै उत्कृष्ट बचाउ गरेका थिए। तर उनको प्रयास सफल रहेन। यससँगै बार्सिलोनाले सन् २०१८ पछि पहिलो सुपर कपको उपाधि जितेको हो।

यो जितसँगै बार्सिलोना लगातार ९ खेलसम्म अपराजित रहेको छ।