भियतनाममा १० महिनायता १०२ डेंगु संक्रमितको मृत्यु

नोभेम्बर र डिसेम्बरमा धेरै प्रान्त र शहरहरूमा ‘ठूलो प्रकोप’ हुने सम्भावना रहेको पनि मन्त्रालयले जनाएको छ।

नेपाल समय | शुक्रबार, कात्तिक ११, २०७९

नेपाल समय

शुक्रबार, कात्तिक ११, २०७९

भियतनाममा १० महिनायता १०२ डेंगु संक्रमितको मृत्यु

हो ची मिन्ह (भियतनाम)- भियतनाममा यस वर्ष (१० महिनायता) १०२ जना डेंगु संक्रमितको मृत्यु भएको छ। करिब दुई लाख ६० हजार डेंगुबाट सङ्क्रमित भएको स्वास्थ्य मन्त्रालयले जानकारी दिएको छ।

सङ्क्रमण र मृत्युको सङ्ख्या सन् २०२१ को सोही अवधिको तुलनामा झन्डै ५ गुणा बढेको पनि मन्त्रालयले शुक्रबार जानकारी दिएको छ। नोभेम्बर र डिसेम्बरमा धेरै प्रान्त र शहरहरूमा ‘ठूलो प्रकोप’ हुने सम्भावना रहेको पनि मन्त्रालयले जनाएको छ।

हो ची मिन्ह सिटी अझै पनि भियतनाममा डेंगु ज्वरोको केन्द्रबिन्दुको रुपमा रहेको छ। यस अवधिमा करिब ७० हजार सङ्क्रमण र २९ जनाको मृत्यु भएको छ। राजधानी हनोईमा बाह्र जनाको मृत्युको हुनको साथ ८ हजार भन्दा बढी संक्रमित भेटिएका छन्।

प्रकाशित: Oct 28, 2022| 15:59 शुक्रबार, कात्तिक ११, २०७९