यी हुन् सत्ता गठबन्धनका साझा उम्मेदवार [सूचीसहित]

काठमाडौं- सत्ता गठबन्धनका चार दलले मंसिर ४ मा हुने प्रतिनिधिसभा र प्रदेशसभाका साझा उम्मेदवारको सूची सार्वजनिक गरेका छन्। नेपाली कांग्रेसका सभापति शेरबहादुर देउवा, माओवादी केन्द्रका अध्यक्ष पुष्पकमल दाहाल, नेकपा एसका अध्यक्ष माधवकुमार नेपाल र राष्ट्रिय जनमोर्चाका चित्रबहादुर केसीले संयुक्त विज्ञप्ति जारी गर्दै साझा उम्मेदवारको सूची सार्वजनिक गरेका हुन्। गठबन्धनमा आबद्ध भएपनि साझा उम्मेदवारको सूची प्रकाशनमा उसका कुनै पनि नेताको हस्ताक्षर छैन। 

विवाद नमिलेका स्थानमा मितवत् प्रतिस्पर्धा गर्ने निर्णयसमेत चार दलले गरेका छन्। 'केही स्थानहरूमा मित्रवत प्रतिस्पर्धा गर्ने गरी तय गरिएको छ। ती स्थानमा एक आपसमा समान र सोहार्दपूर्ण व्यवहार गर्ने समझदारी भएको छ,' चार दलका नेतृत्वले हस्ताक्षर गरेको विज्ञप्तिमा उल्लेख छ। 

उनीहरूले विवाद भएका केही स्थानमा छलफल गरी टुंगो लगाउने पनि निष्कर्ष निकालेका छन्। चार शीर्ष नेताले जारी गरेको विज्ञप्तिमा विवाद नभएका स्थानमा भने गठबन्धनका उम्मेदवारलाई मत मागेका छन्।