काठमाडौं- सरकारले आज शुक्रबार पनि सार्वजनिक बिदा दिएको छ।
कात्तिक ७ गते लक्ष्मीपूजाको दिनदेखि सुरू भएको सार्वजनिक बिदा भाइटीकाको भोलिपल्ट आज पनि कायम राखिएको हो।
सरकारले आज तिहार पर्वकै रुपमा सार्वजनिक बिदा दिएको गृह मन्त्रालयका प्रवक्ता फणिन्द्रमणि पोखरेलले जानकारी दिए।
योसहित यसपटक सरकारले तिहारमा पाँच दिन बिदा दिएको छ। भोलि शनिवारको बिदा र पर्सि छठ पर्वको अवसरमा सार्वजनिक बिदा भएकाले अब सरकारी कार्यालय सोमबार मात्रै खुल्नेछन्।