काठमाडौं- काठमाडौं उपत्यका र आसपासका क्षेत्रमा अहिले बादल लागेको छ। पश्चिमीसँगै स्थानीय वायुको प्रभावका कारण बादल लागेको मौसम पूर्वानुमान महाशाखाले जनाएको छ।
तर, विस्तारै बादल हटी घाम लाग्ने मौसमविद् गंगा नगरकोटीले बताइन्। यतिबेला प्रदेश १ र गण्डकी प्रदेशका पहाडी क्षेत्रमा पनि बादल लागेको छ।
आज प्रदेश नम्बर १, वाग्मती प्रदेश र गण्डकी प्रदेशका एक–दुई ठाउँमा हल्का वर्षाको सम्भावना रहेको महाशाखाको अनुमान छ।