तम्घास- गुल्मीमा श्रीमान्को कुटाइबाट श्रीमतीको मृत्यु भएको छ।
जिल्लाको मुसिकोट नगरपालिका-७ की ४० वर्षीया तालकुमारी कुमाललाई ४२ वर्षीय सूर्यबहादुर कुमालले कुटपिट गरी घाइते बनाएको र उपचारको क्रममा वामी अस्पतालमा बिहीबार साँझ मृत्यु भएको जिल्ला प्रहरी कार्यालय गुल्मीले जनाएको छ।
आरोपी श्रीमान्लाई पक्राउ गरी कर्तब्य ज्यान मुद्दामा अनुसन्धान जारी रहेको प्रहरी नायव उपरीक्षक माधवराज खरेलले जानकारी दिए।