स्वास्थ्य राज्यमन्त्री केसीलाई केही दिन आइसियुमै राखिने

डेंगु संक्रमण पुष्टि भएपछि वीर अस्पतालमा भर्ना भएका केसीको स्वास्थ्य अवस्था सुधार हुँदै गएको हो।

नेपाल समय | शुक्रबार, कात्तिक ४, २०७९

नेपाल समय

शुक्रबार, कात्तिक ४, २०७९

स्वास्थ्य राज्यमन्त्री केसीलाई केही दिन आइसियुमै राखिने

काठमाडौं- स्वास्थ्य तथा जनसंख्याराज्यमन्त्री हिराचन्द्र केसीको स्वास्थ्य अवस्था सामान्य बन्दै गएको छ। डेंगु संक्रमण पुष्टि भएपछि वीर अस्पतालमा भर्ना भएका केसीको स्वास्थ्य अवस्था सुधार हुँदै गएको हो।

यसअघि केसी टेकुस्थित शुक्रराज ट्रपीकल तथा सरुवा रोग अस्पतालमा भर्ना भएका थिए।

वीर अस्पतालका निमित्त निर्देशक डा. भूपेन्द्र बस्नेतले केसीको स्वास्थ्य अवस्था सामान्य रहेको बताए। उनले भने, 'उहाँको स्वास्थ्य अवस्था सुधार भइरहेको छ। एक दुई दिन आइसियुमै डाक्टरको निगरानीमा राख्छौं।'

केसीलाई थप अब्जरवेसन गर्नुपर्ने भएकाले आइसियुमा राखिएको उपचारमा संलग्न चिकित्सकले बताएका छन्।

केसीको प्लेटलेस, हेमोग्लोवीन र सुगरको मात्रा सामान्य छ। चिकित्सकका अनुसार व्लडप्रेसरको मात्रा पनि ठिक रहेको उपचारमा संलग्न चिकित्सकले बताएका छन्।

प्रकाशित: Oct 21, 2022| 12:25 शुक्रबार, कात्तिक ४, २०७९