७४ वर्षीय दाजुले गरे ७० वर्षीय भाइको हत्या

बुटवल- अर्घाखाँचीको भूमिकास्थान नगरपालिकामा आफ्नै ७० वर्षीय भाइको हत्या गरेको आरोपमा दाजु ७४ वर्षीय दाजु पक्राउ परेका छन्।

बुधबार दिउँसो करिब ४ बजेको समयमा वीरबहादुर गमाल र उनका ७४ वर्षीय दाजु हिमबहादुर गमालले भत्ता बुझेपछि हिँड्दै घर फर्किएको प्रहरीले जनाएको छ।

घर फर्किदै गर्दा बेलुकी ७ बजेको समयमा बाटोमा लेनदेको विषयमा दुई भाइको सामान्य विवाद भइ धकेलाधकेल हुँदा भीरबाट लडेर भाइको मृत्यु भएको जिल्ला प्रहरी कार्यालय अर्घाखाँचीका प्रहरी निरीक्षक अर्जुन पौडेलले बताए।

बुधबार भुमिकास्थान नगरपालिका १ खलाधारा भीरबाट लडेको अवस्थामा साम्नेगाँउ निवासी ७० वर्षका वीरबहादुर गमालको शव भेटिएको थियो।

हिमबहादुर गमाललाई पक्राउ गरी जिल्ला अदालत अर्घाखाँचीबाट ५ दिन म्याद थप गरी अनुसन्धान भइरहेको जिल्ला प्रहरी कार्यालयका प्रहरी नायब उपरीक्षक मुकुन्द रिजालले बताए।