आयोगले राजनीतिक दललाई भन्यो : बाजा बजाएर भोट नमाग्नू

आमसभा, कोणसभा गर्दा बाजागाजा बजाएर चुनावी प्रचार नगर्न आयोगको निर्देशन।

नेपाल समय | बिहीबार, कात्तिक ३, २०७९

नेपाल समय

बिहीबार, कात्तिक ३, २०७९

काठमाडौं- निर्वाचन आयोगले बाजागाजासहित भोट नमाग्न राजनीतिक दलहरूलाई निर्देशन दिएको छ। आगामी ४ मंसिरमा हुने प्रतिनिधिसभा तथा प्रदेशसभा सदस्य चुनावमा निर्वाचन आचारसंहिता पालना गर्न आयोगले आग्रह गरेको हो।

राजनीतिक दल, उम्मेदवार, भ्रातृ संगठन तथा सम्बन्धित व्यक्तिले जुलुस, आमसभा, कोणसभा वा भेला गर्दा स्थानीय प्रशासन र प्रहरीलाई मिति, समय, मार्ग र स्थानबारे कम्तीमा २४ घन्टाअगावै जानकारी गराउनुपर्ने आयोगले बताएको छ ।

यस्तै, बिहान ७ देखि साँझ ७ बजेसम्म मात्र त्यस्ता कार्यक्रम गर्नुपर्ने, घरदैलोमा जाँदा उम्मेदवारले २५ बढीको जुलुस लिएर जान पाइने छैन।

बाजागाजा तथा झाँकीसहित जान नहुने र यस्ता कार्यक्रममा बालबालिका प्रयोग गर्न नहुनेतर्फ आयोगले सचेत गराएको छ।

प्रकाशित: Oct 20, 2022| 13:26 बिहीबार, कात्तिक ३, २०७९