सत्यमोहन जोशीको अवस्था चिन्ताजनक

वाङ्मय शताब्दी पुरुष सत्यमोहन जोशीको स्वास्थ्य अवस्था गम्भीर रहेको अस्पतालले जनाएको छ।

नेपाल समय | शनिबार, असोज २९, २०७९

नेपाल समय

शनिबार, असोज २९, २०७९

काठमाडौं- वाङ्मय शताब्दी पुरुष सत्यमोहन जोशीको स्वास्थ्य अवस्था गम्भीर रहेको अस्पतालले जनाएको छ।

करिब तीन सातादेखि बिरामी अवस्थामा रहेका जोशीको अवस्था गम्भीर रहेको किस्ट अस्पतालले एक विज्ञप्ति जारी गर्दै जानकारी दिएको छ। शुक्रबार निकालेको अस्पतालको विज्ञप्तिमा जोशीको अवस्था चिन्ताजनक रहेको जनाइएको छ।

‘२२ दिनदेखि उपचाररत उनलाई बिहीबार आईसीयूमा सारेर उपचार थालिएको थियो । तर, औषधिले शरीरमा राम्रो काम गरेको छैन,’ विज्ञप्तिमा भनिएको छ।

चिकित्सकहरूका अनुसार जोशीलाई लामो समयदेखि निमोनिया भएको पाइएको छ। संक्रमण बढ्दा उनको मुटुको चालमा असर परेको थियो। त्यस्तै उनलाई यसअघि नै डेङ्गी पनि लागेको थियो।

प्रकाशित: Oct 15, 2022| 07:04 शनिबार, असोज २९, २०७९