आयोगमा स्थापना गरिए कल सेन्टर र ई–बुलेटिन सेवा

आयोगले निर्वाचनसम्बन्धी सूचना सम्प्रेषण गर्न कल सेन्टर र ई–बुलेटिन सेवा सुरु गरेको हो।

नेपाल समय | शुक्रबार, असोज २८, २०७९

नेपाल समय

शुक्रबार, असोज २८, २०७९

आयोगमा स्थापना गरिए कल सेन्टर र ई–बुलेटिन सेवा

काठमाडौं– निर्वाचन आयोगले आगामी ४ मंसिरमा हुने प्रतिनिधिसभा र प्रदेशसभा निर्वाचनका लागि कल सेन्टर र निर्वाचन ई– बुलेटिन सेवा सुरु गरेको छ। निर्वाचनसम्बन्धी गुनासा सुन्न तथा सल्लाह सुझावका लागि कल सेन्टर स्थापना गरिएको आयोगले बताएको छ।

शुक्रबार कल सेन्टर र ई–बुलेटिनको औपचारिक उद्घाटन गर्दै प्रमुख आयुक्त दिनेश थपलियाले यो सेवाबाट लाभ लिन सुझाए । कल सेन्टरका कर्मचारीलाई यहाँ आएका गुनासा तथा सुझावका विषयमा संयमित हुन उनको आग्रह छ।

निर्वाचनका लागि आन्तरिक र बाह्य व्यवस्थापन गर्दै मर्यादित भएर निर्वाचन गर्न केन्द्रित भएको उनले जानकारी दिए। ‘आयोगले निर्वाचनसम्बन्धी विभिन्न निर्णय गरिरहेको हुन्छ। निर्वाचनसम्बन्धी सूचना प्रवाहको सबैभन्दा विश्वासिलो माध्यम निर्वाचन ई–बुलेटिन हो’, थपलियाले भने।

प्रकाशित: Oct 14, 2022| 16:23 शुक्रबार, असोज २८, २०७९