चितवन– चितवनमा सुस्त मनस्थिति भएकी नाबालिगलाई जजरजस्ती करणी गरेको आरोपमा एकजना पुरुषलाई प्रहरीले पक्राउ गरेको छ। चितवनको कालिका नगरपालिका ४ बलरामटोल बस्ने २७ वर्षीय सलिम गुरुङलाई १७ वर्षीया किशोरीलाई जबरजस्ती करणी गरेको आरोपमा चितवन प्रहरीले पक्राउ गरेको हो।
जिल्ला प्रहरी कार्यालय चितवनका प्रवक्ता डीएसपी विजयराज पण्डितका अनुसार पीडित बालिकाकी आमाले जाहेरी दिएपछि आरोपित युवकलाई सोमबार पक्राउ गरेको हो। गुरुङलाई चितवन जिल्ला अदालतबाट ७ दिनको म्याद थप गरी अनुसन्धान भइरहेको प्रवक्ता पण्डितले बताए।