काठमाडौं- निर्वाचन क्षेत्र बाँडफाँटका लागि सत्ता गठबन्धनको बैठक सुरू भएको छ। प्रधानमन्त्री निवास बालुवाटारमा बसेको बैठकले सिट बाँडफाँट टुंगो लगाउने बताइएको छ।
गठबन्धनको सिट बाँडफाँटमा नेकपा एकीकृत समाजवादी र जसपाले असहमति जनाइरहेका छन्। एकीकृत समाजवादीले कम्तीमा २५ सिट दाबी गरेको छ। जसपाले २२ सिट नपाए गठबन्धन छाडेर अरू दलसँग तालमेल गर्ने चेतावनी दिइरहेको छ। कांग्रेसले सय सिट पाउनुपर्ने आवाज पार्टीभित्रै चर्को रुपमा उठिरहेको छ।
आगामी मंसिर ४ गते हुने चुनावको सिट भागबण्डाका लागि गत साउन २० गते कार्यदल गठन गरेर गठबन्धनले लगातार छलफल गरिरहेको भए पनि हालसम्म टुंगोमा पुग्न सकेको छैन। हिजो दसैंको टीकाको दिन पनि नेताहरु छलफलमा जुटेका थिए।