ललितपुरमा डेंगुको प्रकोप नियन्त्रण गर्न फगिङ

ललितपुर- पछिल्लो समय काठमाडौंमा डेंगुका बिरामीहरु बढ्न थालेपछि यसको रोकथामका लागि विभिन्‍न अभियानहरु सञ्‍चालन गरिएका छन्। सोमबार नेपाल युवा संघले ललितपुरका विभिन्‍न स्थानमा डेंगु सार्ने लामखुट्टे मार्नका लागि फगिङ (डेंगु सार्ने लामखुट्टे मार्ने औषधि छर्किने) गरिएको छ। 

डिजेट, पेट्रोल र थर्ड ग्रेडको विषादी मानिने मालाथियन मिसाएर फगिङ तयार पार्ने गरिन्छ। जसमा ८५ प्रतिशत डिजल, करिब ५ प्रतिशत पेट्रोल र बाँकी मालाथिन प्रयोग गरेर फगिङ तयार पारिन्छ। डिजल मानिसमा क्यान्सर पैदा गर्ने सम्भावना भएको इन्धन हो।

जसको प्रयोग फगिङमा सबैभन्दा बढी प्रयोग हुने र यो मानव बस्तीमा छरिने भएकाले यसले मानिसमा क्यान्सर रोगको खतरा बढाउने सम्भावना रहने पनि विज्ञहरुले बताएका छन्। 

फगिङ गर्नुपर्ने भए पनि मानव बस्तीभन्दा बाहिर खाली ठाउामा मात्रै छर्नुपर्ने हुन्छ । फगिङले स्वास्थ्यलाई मात्र होइन, डेंगु भाइरस मानिसमा संक्रमण सार्ने एडिस एजिप्टाई लामखुट्टेको क्षमता पनि वृद्धि गरिरहेको विज्ञहरुको भनाइ छ ।