इरानमाथि फेरी आक्रमण हुनसक्ने ट्रम्पको चेतावनी

नेपाल समय | आइतबार, कात्तिक ८, २०८३

नेपाल समय

आइतबार, कात्तिक ८, २०८३

इरानमाथि फेरी आक्रमण हुनसक्ने ट्रम्पको चेतावनी

काठमाडौं। अमेरिकी राष्ट्रपति डोनाल्ड ट्रम्पले इरानमाथि अमेरिकाले भोलि नै आक्रमण गर्न सक्ने संकेत दिएका छन्। तर उनले दुवै देशबीच राम्रो सम्झौता हुन सक्ने सम्भावनालाई पनि अस्वीकार गरेका छैनन्।

फ्लोरिडामा पत्रकारहरूसँग कुरा गर्दै ट्रम्पले इरान सम्झौता गर्न चाहेको बताए। तर इरानले सम्झौताका सर्त पालना गर्छ कि गर्दैन भन्ने मुख्य प्रश्न रहेको उनको भनाइ थियो। उनले इरानका सबै लडाकु विमान नष्ट गरिएको र २५९ वटा जहाज डुबाइएको दाबीसमेत गरे। यी दाबी ट्रम्पकै भनाइमा आधारित छन्।

यसैबीच, इरानले पाकिस्तानी मध्यस्थमार्फत अमेरिकासमक्ष नयाँ प्रस्ताव राखेको भन्ने खबर अस्वीकार गरेको छ। अमेरिकी नौसैनिक नाकाबन्दी हटाउने बदलामा होर्मुज जलडमरूमध्य खोल्ने प्रस्तावसम्बन्धी समाचारलाई पनि इरानी पक्षले झुटो र मनगढन्ते भनेको छ।

ट्रम्पले रुस–युक्रेन युद्ध अन्त्य हुने आशा व्यक्त गर्दै युद्धपछि अमेरिकाले दुवै देशसँग व्यापार गर्ने बताएका छन्।

प्रकाशित: Oct 25, 2026| 09:18 आइतबार, कात्तिक ८, २०८३