सासूलाई खुकुरी प्रहार गरेर ज्वाईंले गरे आत्महत्या

सुनसरी- धरानमा एक जनाले सासूमाथि खुकुरी प्रहार गरेर आफूले आत्महत्या गरेका छन्। भोजपुरबाट धरान ससुराली आएका धरान-८ गुम्बामार्गमा ४१ वर्षीय रामबहादुर रम्तेलले आफैँले घाँटी रेटेर आत्महत्या गरेका छन्। 

आत्महत्या गर्नुअघि रम्तेलले ७१ वर्षीया सासू नरमाया भुजेललाई बिहीबार राति खुकुरी प्रहारी गरेका थिए। उनले ससुराली आएको दोस्रो दिन घटना घटाएका हुन्।

घटनाबारे प्रहरीले अनुसन्धान गरिरहेको धरान-८ का वडाध्यक्ष धनबहादुर राईले बताए। ज्वाईं रामबहादुरले टाउकोमा खुकुरी प्रहार गरेपछि घाइते भएकी नरमायालाई उपचारका लागि बीपी कोइराला स्वास्थ्य विज्ञान प्रतिष्ठान लगिएको थियो।

त्यहाँ पनि उनको उपचार सम्भव नभएपछि थप उपचारका लागि विराटनगरको एक अस्पतालमा रिफर गरेको वडाध्यक्ष राईको भनाइ रहेको छ।

मृतक रामबहदुरको घर भोजपुरको पौवादुम्बा गाउँपालिका–५ सानोदुम्मा हो। मृतक रामबहादुरकी श्रीमती करिब डेढ महिनाअघि दुबईमा वैदेशिक रोजगारमा गएकी छन्।