रिक्त एक सचिवका लागि तीन जनाको नाम सिफारिस

काठमाडौं- रिक्त रहेको एक सचिव पदका लागि तीन जनाको नाम सिफारिस भएको छ।

बढुवा सिफारिस समितिले सहसचिव घनश्याम उपाध्याय, नारायण शर्मा दुवाडी र दिनेश घिमिरेको नाम सिफारिस गरेको हो।

मन्त्रिपरिषद् बैठकले यी तीनमध्ये एक जनालाई सचिवमा बढुवा गर्नेछ। प्रधानमन्त्री तथा मन्त्रिपरिषद् कार्यालयका सचिव लक्ष्मण अर्यालको अवकाशपछि एउटा सचिव पद रिक्त रहेको छ।