लियोको पदस्थापना तथा काउन्सिल बैठक काठमाडौंमा हुने

काठमाडौं- लियो जिल्ला परिषद् ३२५ आर नेपालका पदाधिकारीहरुको पदस्थापना तथा प्रथम काउन्सिल बैठक यही भदौ २५ गते काठमाडौंमा आयोजना हुने भएको छ।

जिल्ला परिषद् ३२५ आर नेपालका अध्यक्ष लियो पुरुषोत्तम सुवेदीको नेतृत्वमा बनेको बोर्डले उक्त दिन लायन्स जिल्ला ३२५ आर नेपालका गभर्नरको उपस्थितिमा आ-आफ्नो जिम्मेवारी वहन गर्दै सपथ ग्रहण गर्नेछन्।

साथै उक्त दिन जिल्ला परिषद्का सम्पूर्ण क्लब अध्यक्षहरुसँग बैठक बसी विभिन्न प्रस्तावमाथि छलफल गरिने संस्थाका सचिव लियो विज्ञान पौडेलले बताए। समाज उत्थान, युवा परिचालन, नेतृत्व विकासको क्षेत्रमा विभिन्न कार्यक्रम गर्दै आएको यस जिल्ला परिषद्ले उक्त दिन पनि उपस्थित सहभागीहरुका लागि नेतृत्व विकास तथा सीपमूलक कार्यक्रम राख्ने तयारी गरिरहेको कार्यक्रम संयोजक लियो दिपेश तिखत्रीले बताए।

कार्यक्रममा  काठमाडौं उपत्यकालगायत चितवन, नवलपरासी र तनहुँ जिल्लाबाट करिब ३ सय युवाको सहभागिता रहनेछ।