काठमाडौं- सत्ता गठबन्धनका शीर्ष नेताहरूको बैठक प्रधानमन्त्री निवास बालुवाटारमा सुरु भएको छ। आगामी मंसिर ४ गते निर्धारित प्रदेशसभा र प्रतिनिधिसभा निर्वाचनका लागि सिट बाँडफाँटका विषयमा छलफल गर्न गठबन्धनको बैठक बसेको हो।
कार्यदलको बुधबारको बैठकले शीर्ष नेताहरूबीचको छलफलबाट सिटबारे टुंगो लगाउने निर्णय गरेको थियो। सोही अनुरुप आज बैठक बसेको हो।
कार्यदलले स्थानीय तहको निर्वाचन मोडेल, २०७४ मा पाएको सिट संख्याको मोडेल लगायत प्रस्ताव गरेको छ ।
गत २० साउनमा बसेको पाँच दलीय गठबन्धनका शीर्ष नेताहरुको बैठकले प्रदेश र प्रतिनिधिसभा चुनावमा तालमेल गर्ने निर्णय गर्दै ११ सदस्यीय कार्यदल गठन गरेको थियो।