काठमाडौं- सर्लाहीको बरहथवाबाट प्रहरीले स्रोत नखुलेको ३० लाख नगद र सुनका गहनासहित दुई युवालाई पक्राउ गरेको छ।
पक्राउ पर्नेमा डोटीको शिखर नगरपालिका–७ घर भइ हाल काठमाडौं बस्दै आएका ३० वर्षीय हर्कबहादुर कठायत र भक्तपुरको दुवाकोट घर भएका ३१ वर्षीय विशाल खत्री रहेका छन्।
उनीहरूको साथबाट स्रोत नखुलेको ३० लाख रुपैयाँ नगद र १९ लाख ५८ हजार रुपैयाँ मूल्य बराबरका सुनका गहना बरामद गरिएको जिल्ला प्रहरी कार्यालय सर्लाहीका सूचना अधिकारी डीएसपी विजय यादवले बताए।
मंगलबार प्रदेश २–०३३ प ७७५० नम्बरको मोटरसाइकलमा नयाँ रोडबाट हिरापुरतिर जाँदै गर्दा बरहथवा नगरपालिका–११ बाट उनीहरुलाई पक्राउ गरिएको प्रहरीले जनाएको छ।