बल प्रयोग गरेर १८६ टिप फोहोर पुर्‍याइयो बञ्चरे

काठमाडौं- बञ्चरेडाँडाका स्थानीय राजनीतिक दलको अवरोधमाथि बल प्रयोग गर्दै मंगलबार १८६ टिपर फोहोर बञ्चरेडाँडा पुर्‍याइएको छ। काठमाडौं महानगरपालिकाका मेयर बालेन्द्र शाहले प्रहरी प्रशासनको सहयोगमा १८६ गाडी फोहोर बञ्चरे पुर्‍याइएको जानकारी दिएका हुन्। 

बञ्चरेका स्थानीयसँग गरेको प्रतिबद्धतामा आफूहरू इमानदार भएको तर त्यसलाई सत्ताधारी दल र प्रमुख प्रतिपक्षी दलका स्थानीय कार्यकर्ताले फोहोरी राजनीति गरिरहेको उनको मेयर बालेन्द्रको आरोप छ। 

'प्रहरी प्रशासनको सहयोगमा आज १८६ फोहोरका गाडीहरू बञ्चरेडाँडा पुगेका छन्। हाम्रो उद्देश्य छ, फोहोर व्यस्थापनमा प्रहरी प्रशासनको प्रयोग गर्नै नपरोस्,' मेयर बालेन्द्रले फेसबुकमा लेखेका छन्, 'फोहोर व्यवस्थापन गर्दा कसैलाई पनि केही समस्या नपरोस्। यो हाम्रो प्रतिबद्धता हो। हाम्रो प्रतिबद्धतामा हामी इमान्दार, सचेत र संवेदनशील छौँ।'