नेपाली र अमेरिकी सेनाबीच छाउनी र नगरकोटमा संयुक्त सैन्य अभ्यास हुँदै

काठमाडौं- नेपाली र अमेरिकी सेनाबीच संयुक्त सैन्य अभ्यास हुँदैछ।

एक्स-ब्यालेन्स नेलको ३९ औं संस्करण अन्तर्गत नेपाल सरकारको रक्षा मन्त्रालयको स्वीकृतिमा श्री सिंह महावीर योजना तथा समन्वय शाखा अन्तर्गत रहेका रेञ्‍जर गणहरु र अमेरिकी सेनाको टुकुडीबीच संयुक्त सैन्य अभ्यास हुन लागेको नेपाली सेनाको जनसम्पर्क तथा सूचना निर्देशनालयले जनाएको छ। 

संयुक्त सैन्य अभ्यासमा नेपाली सेनाबाट ८० जना र अमेरिकी सेनाका १६ जना गरी ९६ जना सहभागी हुनेछन्। उक्त संयुक्त सैन्य अभ्यसामा लअ अफ आर्म्ड कन्फिल्कट, मिलिटरी डिसिजन मेकिङ प्रोसेसलगायतका विषयहरुमा केन्द्रित हुने बताइएको छ। 

उक्त सैन्य अभ्यास छाउनी र नगरकोट इलामा हुने पनि बताइएको छ। सेनाले भनेको छ, 'उक्त संयुक्त अभ्यासमा सहभागिताका लागि मित्रराष्ट्र अमेरिकी सेनाको टुकुडी क्याप्टेन ब्लेक डुकाटेलको कमाण्डमा अभ्यासका लागि आवश्यक पर्ने सैन्य सामग्रीसहित साउन ३० गतर् नेपाल आइपुगेको जानकारी गराइन्छ।'