५५ अंक बढ्यो नेप्से, बिमाको सेयरमा झुम्मिए लगानीकर्ता

साताको पहिलो दिन आइतबार पुँजीबजार सूचक नेप्से ५४.५८ अंकले बढेको छ। आइतबार बजारले २१९५.१० बिन्दुमा चुमेको हो।

नेपाल समय | आइतबार, साउन १५, २०७९

नेपाल समय

आइतबार, साउन १५, २०७९

nepse

काठमाडौं- साताको पहिलो दिन आइतबार पुँजीबजार सूचक नेप्से ५४.५८ अंकले बढेको छ। आइतबार बजारले २१९५.१० बिन्दुमा चुमेको हो। आइतबार मात्र ४ अर्ब ६० करोड ९९ लाख रुपैयाँ बराबरको सेयर कारोबार भएको छ।

नेपाल इन्स्योरेन्स कम्पनी, आईएमई जनरल इन्स्योरेन्स, प्रुडेन्सियल इन्स्योरेन्स र युनाइटेड इन्स्योरेन्स कम्पनीको सेयर मूल्य १० प्रतिशतले बढेको छ। एनएलजी इन्स्योरेन्स, नेशनल लाइफ इन्स्योरेन्स र नेको इन्स्योरेन्सको सेयर मूल्य पनि १० प्रतिशत बढेको छ।

आइतबार २२० कम्पनीको सयर ६७ हजार ७४० पटक कारोबार भएको थियो। १२ प्रतिशत गुडविल फाइनान्स डिबेन्चर २०८३ सबैभन्दा बढी करिब ४ प्रतिशत घटेको छ। कारोबार रकमका आधारमा सबैभन्दा बढी शिवम् सिमेन्टको सेयर कारोबार भएको छ।

प्रकाशित: Jul 31, 2022| 15:28 आइतबार, साउन १५, २०७९