सिन्धु नदीमा डुंगा डुब्दा २३ जनाको मृत्यु, २६ बेपत्ता

एक सय जनाभन्दा बढी विवाहका पाहुना बोकेको डुंगा पाकिस्तानको रहिम यार खान सहर नजिक सिन्धु नदीमा डुब्दा २३ जनाको मृत्यु भएको छ भने २६ जना हराइरहेका छन्।

रासस | मंगलबार, साउन ३, २०७९

रासस

मंगलबार, साउन ३, २०७९

सिन्धु नदीमा डुंगा डुब्दा २३ जनाको मृत्यु, २६ बेपत्ता

इस्लामाबाद– एक सय जनाभन्दा बढी विवाहका पाहुना बोकेको डुंगा पाकिस्तानको रहिम यार खान सहर नजिक सिन्धु नदीमा डुब्दा २३ जनाको मृत्यु भएको छ भने २६ जना हराइरहेका छन्।

राज्य सञ्चालित उद्धार सेवाका ३५ जना गोताखोर खोजी तथा उद्धारमा खटिएका र उनीहरूले ९० जनालाई उद्धार गरेका सरकारी अधिकारीहरूले बताएका छन्। क्षमताभन्दा बढी यात्री बोकेका कारण डुंगा डुबेको अनुमान गरिएको छ।

दुर्घटनामा ज्यान गुमाउने अधिकांश महिला छन्। आपतकाल व्यवस्थापन प्राधिकरणका अनुसार १९ जना महिलाको शव नदीबाट निकालिएको छ। डुंगामा धैरेजसो महिला र बालबालिका सवार थिए। गत साता सरकारले निरन्तर वर्षा भइरहेकाले नदी तटमा नजान सर्वसाधारणलाई आग्रह गरेको थियो।

प्रकाशित: Jul 19, 2022| 17:00 मंगलबार, साउन ३, २०७९