काठमाडौं- नेपाल प्रहरीका लागि हतियार खरिद गर्ने निर्णयको विरोध गर्दै नेकपा एमालेको भ्रातृसंगठन युवासंघले मंगलबार विरोध गरेको छ। युवासंघले मंगलबार साँझ नयाँ बानेश्वरमा मसाल जुलुस निकाल्दै हतियार खरिद गर्ने निर्णयको विरोध गरेको हो।
प्रमुख प्रतिपक्षी नेकपा एमालेले पनि नेपाल प्रहरीका लागि हतियार किन्ने निर्णय सरकारले फिर्ता लिनुपर्ने माग गरेको छ। कमिसनका लागि सत्तारुढ गठबन्धनमा रहेका नेताहरूले प्रहरीका लागि हतियार किन्ने योजना ल्याएको एमालेको आशंका छ।
नेपाल प्रहरीले भने विगत ७ वर्षदेखि हतियार खरिद नगरेका कारण हतियार अभाव भएकोले खरिद गर्न लागिएको स्पष्ट पारिसकेको छ।
