काठमाडौं- धनुषाको जनकपुर उपमहानगरपालिका-२१ कुर्था बस्ने २५ वर्षीया नेहा देवी साहको आइतबार बिहान लडेर मृत्यु भएको छ।
आफ्नै घरको कलमा लडेर गम्भीर घाइते भएकी उनको जानकी हेल्थ केयर जनकपुरमा उपचारको क्रममा मृत्यु भएको हो।
यस्तै दोलखा, बिगु गाउँपालिका-१ रिकुभिरस्थित लामाबगर र सिमिगाउँ जोड्ने गोरेटो बाटो निर्माणको काम गर्ने जाजरकोट छेदाघाट नगरपालिका-१० काँडा बस्ने ३२ वर्षीय नबिन पुनको आइतबार साँझ लडेर मृत्यु भएको छ।
सोही रिकुभिरस्थित खानेपानी बनाउन जाने क्रममा भीरबाट लडेर उनको मृत्यु भएको हो। दुवै घटनाका सम्बन्धमा प्रहरीले आवश्यक अनुसन्धान गरिरहेको जनाएको छ।