रेन्डी बेरी नामेबियाका लागि अमेरिकी राजदूतमा सिफारिस

काठमाडौं- नेपाल बसेका राजदूत रेन्डी बेरी नामेबिया र डेपुटीका रुपमा कार्यरत म्यानुअल पी माइकलर ताजकिस्तानको राजदूतमा मनोनित भएका छन्।

अमेरिकी राष्ट्रपति कार्यालयका अनुसार राजदूत र्‍यान्डी बेरी नामिबिया र नियोग उपप्रमुख म्यानुअल पी माइकलर ताजिकस्तानका लागि राजदूतमा मनोनित भएका हुन्।

ह्वाइट हाउसका अनुसार दुवै जनालाई अन्य मुलुकमा राजदूतका लागि मनोनित  गरे पनि नेपालका लागि उक्त जिम्मेवारीमा कसलाई पठाइन्छ भन्ने विषयमा उल्लेख गरिएको छैन। 

हाल दूतावासमा नियोग उपप्रमुखका रूपमा कार्यरत माइकलर अमेरिकाको परराष्ट्र सेवाका करियर डिप्लोम्याट हुन्।

माइकलरले वाशिंगटन डीसीमा विदेश मन्त्रालयको दक्षिण तथा मध्य एसियाली ब्यूरोअन्तर्गत भारत मामिलाको कार्यालयमा उपनिर्देशकको रूपमा पनि काम गरेका थिए।