भारतको उत्तर प्रदेशका मुख्यमन्त्री सवार हेलिकप्टर आकस्मिक अवतरण

काठमाडौं- भारतको उत्तर प्रदेशका मुख्यमन्त्री योगी आदित्यनाथ चढेको हेलिकप्टरलाई आकस्मिक अवतरण गरिएको छ।

हेलिकप्टरमा चरा ठोक्किएपछि वाराणसी प्रहरी केन्द्रमा आकस्मिक अवतरण गरिएको हो।

आइतबार बिहान उनी प्रहरी लाइनबाट हेलिकोप्टरमार्फत लखनउ जाँदै थिए। उडेको ५ मिनेट मै पाइलटले हेलिकप्टरलाई ल्याण्ड गराएका थिए। मुख्यमन्त्री वतपुर विमानस्थलबाट अर्को विमानमा लखनउ प्रस्थान गरेका छन्। 

प्रधानमन्त्री नरेन्द्र मोदीको भ्रमणलाई ध्यानमा राख्दै मुख्यमन्त्री योगी आदित्यनाथ विकास निर्माणको समीक्षा र निरीक्षण गर्न दुई दिने वाराणसी भ्रमणमा छन्।