क्यान्सर पीडित सगरमाथा आरोही तामाङलाई भेट्न अस्पताल पुगे प्रचण्ड

काठमाडौं- सबैभन्दा कम उमेरमा सगरमाथा आरोहण गरेर विश्व कीर्तिमान कायम गर्न सफल क्यान्सर पीडित आरोही शम्भु तामाङलाई भेट्न माओवादी केन्द्रका अध्यक्ष पुष्पकमल दाहाल प्रचण्ड अस्पताल पुगेका छन्।

आइतबार बिहान ललितपुर हरिसिद्धस्थित नेपाल क्यान्सर अस्पताल पुगेर प्रचण्डले उनको स्थास्थ्य स्थितिबारे जानकारी लिएका हुन्। 

देशका लागि तामाङले पुर्‍याएको योगदानको प्रशंसा गर्दै प्रचण्डले उनको स्वास्थ्योपचारमा सरकारको तर्फबाट सहयोग दिलाउन पहल गर्ने बताएका थिए। 

लिसंखुपाखर गाउँपालिका–२, सिन्धुपाल्चोक घर भई हाल महाराजगञ्ज निवासी तामाङले सन् १९७३ मे ५ तारिखका दिन सगरमाथाको सफल आरोहण गरेका थिए। त्यसबेला उनी १७ वर्ष ६ महिना १५ दिनका थिए।