काठमाडौं– मलेसियामा जारी आइसीसी महिला टी २० क्रिकेट च्याम्पियनसिपमा नेपाली महिला टिमले टस जितेर ब्याटिङ रोजेको छ।
च्याम्यिनसिपको अन्तिम खेलमा जितको लक्ष्यसहित नेपाली टिम हङकङसँग भिडिरहेको छ। यसअघिको तीनै खेलमा जित निकालेको टिमले अन्तिम खेलमा पनि जित को लक्ष्य राखेको छ। आजको खेलमा जित निकाल्न सके नेपाल समूह विजेता हुनेछ।
समूह विजेता भएमा उसले अर्का समूहको दोस्रो हुने टिमसँग खेल्न पाउने छ। सेमिफाइनल खेलमा समूह एमा यूएई र मलेसिया मूख्य दावेदार छन् भने नेपाल रहेको समूहमा नेपाल र हङकङ सेमिफाइनलमा दावेदार हुन्। नेपाली टिम भने अहिले सेमिफाइनलमा प्रवेश गरिसकेको छ।
फाइनलमा पुग्ने दुई टिम आउँदो एसिया कपको लागि छनोट हुनेछ। त्यसका लागि सेमिफाइनलमा तुलनात्मक रुपमा कम प्रतिस्पर्धि टिम पाउनका लागि नेपाल अहिले कसरत गरिरहेको छ। नेपालको ओपनिङमा विन्दू रावल र सिता राना मगर आएका छन्।