काठमाडौं- अखिल नेपाल फुटवल संघ (एन्फा)को नयाँ कार्यसमिति चयनका लागि भएको मतदानको मतगणना सुरु भएको छ। सोमबार भएको मतदानको गणना सुरु भएको हो।
गणनापछि २२ भोट गनेर अध्यक्ष पदका लागि भएको चुनावको प्रारम्भिक चरणको नतिजासमेत प्राप्त भएको छ। अध्यक्षमा कर्मा छिरिङ शेर्पाले ११ मत ल्याएका छन् भने पंकज नेम्वाङको पनि समान ११ मत नै प्राप्त भएको निर्वाचन समितिले जनाएको छ।
सबै पदका लागि चुनाव भएको भएपनि सुरुमा अध्यक्षको गणना भइरहेको छ। अध्यक्ष पदमा नै उम्मेदवार बनेका राजीव पौडेलले भने खाता खोल्न सकेका छैनन्।