काठमाडौं– नुवाकोटको दुप्चेश्वर गाउँपालिका–६ की राधिका आचार्यको आज शुक्रबार विद्यालयमा पढाउन जाँदै गर्दा लडेर ज्यान गएको छ।
तादी गाउँपालिका–४ को सुन्दरा माध्यमिक विद्यालयमा पढाउन जाने क्रममा ३५ वर्षीया आचार्य चढेको स्कुटर भीरबाट खसेको थियो। भीरबाट खसेपछि स्कुटरसहित उनलाई खोलाले बगाएको थियो।
जिल्ला प्रहरी कार्यालय नुवाकोटका अनुसार तादी–४ पाँगेपाखा भन्ने ठाउँमा पुग्दा आचार्य चढेको बा ९७ प ६९२५ नम्बरको स्कुटर अनियन्त्रित भई भीरबाट खसेको थियो।
घटनास्थलभन्दा पाँच सय मिटर तलबाट उनको उद्धार गरे बचाउन नसकिएको प्रहरीले जनाएको छ।