मर्स्याङ्दीमा विद्युत् उत्पादन वृद्धि

नदीमा पानीको बहाव बढेसँगै केन्द्रबाट ६९ मेगावाट विद्युत् उत्पादन भएको हो।

नेपाल समय | शुक्रबार, असार ३, २०७९

नेपाल समय

शुक्रबार, असार ३, २०७९

तनहुँ- अविरल वर्षापछि तनहुँको आँबुखैरेनी गाउँपालिका–४ स्थित मर्स्याङ्दी जलविद्युत् केन्द्रको विद्युत् उत्पादनमा वृद्धि भएको छ। नदीमा पानीको बहाव बढेसँगै केन्द्रबाट ६९ मेगावाट विद्युत् उत्पादन भएको हो।

सुक्खा याममा पानी कम हुँदा विद्युत् उत्पादन घटेर ४० मेगावाटको हाराहारीमा पुग्ने गरेको थियो। हाल पूर्ण क्षमतामा विद्युत् उत्पादन भएको केन्द्रका प्रमुख बद्री फुयाँलले जानकारी दिए। केन्द्रका तीन युनिटबाट २३/२३ मेगावाटका दरले विद्युत् उत्पादन भइरहेको छ।

तापक्रम बढ्दै जाँदा हिउँ धेरै पग्लिने र वर्षा धेरै हुँदा यसका सहायक नदी र खोलामा पानीको बहाव बढेसँगै विद्युत् उत्पादन बढेको हो। उक्त केन्द्रबाट उत्पादित विद्युत् चितवनको भरतपुरबाट काठमाडौंको स्टेसनमार्फत राष्ट्रिय प्रसारण लाइनमा जोडिएको छ।

प्रकाशित: Jun 17, 2022| 08:35 शुक्रबार, असार ३, २०७९