काठमाडौं- काठमाडौंमा कारको ठक्करबाट पाँच वर्षीय बालकको ज्यान गएको छ। टोखा नगरपालीका-६ धापासी डाँफे कोलनी नजिकै मंगलबार कारको ठक्करबाट स्कुटरमा सवार पाँच वर्षीय बालकको ज्यान गएको प्रहरीले जनाएको छ।
ज्यान गुमाउनेमा स्थानीय प्रियान्स उप्रेती रहेको प्रहरीको भनाइ छ। कारको ठक्करबाट गम्भीर घाइते भएका उप्रेतीको उपचारका क्रममा ग्राण्डी अस्पतालमा मृत्यु भएको हो।
मंगलबार दिउँसो ३ बजे प्रदेश १ ०२१ च २९५६ नम्बरको कारले प्रदेश २ ०३५ प ०५२० नम्बरको स्कुटरलाई ठक्कर दिँदा पछाडी सवार बालक गम्भीर घाइते भएका थिए। कारसहित चालकलाई प्रहरी वृत्त महाराजगञ्जले नियन्त्रणमा लिएको छ।