सोमबार, असार ८, २०८३
काठमाडौं– प्रमुख प्रतिपक्षी दल नेकपा एमालेका सांसद खगराज अधिकारीले किसानले धान बालीमा राख्नका लागि ४ लाख टन मल तत्काल चाहिने बताएका छन्।
प्रतिनिधिसभाको सोमबारको बैठकमा मल संकटबारेको छलफलमा सांसद अधिकारीले मल ल्याउनेबारे सरकारले के गरिरहेको छ भनेर प्रश्न गरे।
उनले भने, ‘सबैभन्दा ठूलो चुनौती ४ लाख टन मल अहिले चाहिएको छ। माननीय कृषिमन्त्रीले भारतसँग डेढ लाख टनजति मल जीटुजीमार्फत ल्याउन खोज्नुभयो भन्ने सुनियो तर भारतले भन्यो– ६५ हजार टनभन्दा बढी दिन सक्दैनौं। त्यो पनि कहिले ल्याउने हो थाहा छैन। असोजमा हो कि बाटैतिर छ कि? हाम्रो मुख्य चासो कहिले, कति मल आउँछ? हामीलाई चाहिने चार लाख टन धान बालीको लागि मल कहिले ल्याउनुहुन्छ? त्यो मल आजै चाहियो, अहिल्यै चाहियो।;
किसानले तत्काल मल खोजिरहेकाले सरकारले त्यसको व्यवस्था गर्नुपर्ने उनको माग थियो।
संसद्मा भइरहेको बजेट छलफल स्थगन गर्ने प्रस्ताव ल्याएकोप्रति सत्तारुढ दलका केही सांसदले असन्तुष्टि जनाएका थिए। अधिकारीले भने सत्तारुढ दलका सांसदहरूले प्रतिनिधिसभा नियमावली पढ्न सुझाए। एमाले सांसदहरूले ल्याएको स्थगन प्रस्तावले संसद्को सुन्दरता उजागर गरेको उनको तर्क थियो। उनले भने, ‘संसद्को सुन्दरतालाई उजागर गरेको छ यसले। प्रतिनिधिसभा नियमावलीको परिच्छेद १२ अनुसार स्थगन प्रस्ताव राखिएको हो।’
प्रतिक्रिया दिनुहोस्
-1782030886.jpg)
सम्पर्क
Shantinagar, Kathmandu, Nepal
फोन : +977-1-4790040/+977-1-4790242
इमेल : nepalsamayanews@gmail.com
फोन : +977-1-4790040/+977-1-4790242
इमेल : nepalsamayanews@gmail.com