काठमाडौं- बजेटपछि निरन्तर ओरालो लागिरहेको सेयर बजार बुधबार भने बढेको छ। बुधबार नेप्से ६०.२२ अंकले वृद्धि हुँदा २०८०.४४ अंकमा पुगेको छ।
आज १ अर्ब ६४ करोड ३ लाख ५६ हजार ६ सय रुपैयाँ बराबरको सेयर कारोबार भएको छ। जम्मा २ सय ३१ वटा कम्पनीका ५० लाख ५ हजार ८ सय १४ कित्ता सेयर खरिदबिक्री भएका छन्।
उपकार लघुवित्त र सामुदायिक लघुवित्तको १०/१० प्रतिशत सेयर मूल्य वृद्धि हुँदा अरुण भ्याली हाइड्रोको ५ करोड १२ लाख ४० हजार ३ सय रूपैयाँ बराबरको कारोबार भएको छ।
अर्थमन्त्री जनार्दन शर्माले ४ सदस्यीय सेयर बजार सुधार सुझाव समिति गठन गरेकै दिन सेयर बजारमा हरियाली छाएको हो।
प्रकाशित: Jun 08, 2022| 15:52 बुधबार, जेठ २५, २०७९
